გინკგო ბილობა იაპონურად ,,ვერცხლისფერ ნაყოფს" ნიშნავს. იაპონიაში მას 1500 წელზე მეტია იყენებენ, მეთვრამეტე საუკუნეში კი, მისი მოშენება ევროპის ქვეყნებშიც დაიწყეს. ჩანართი: მხატვრული ლიტერატურის მოყვარულებს დააინტერესებს ერთი ფაქტი: ამ მცენარის ნაყოფმა იოჰან ვოლფგანგ გოეთე იმდენად აღაფრთოვანა, რომ შემდგომში მას ლექსიც კი მიუძღვნა
გინკგო ბილობაში შემავალ ნივთიერებებს ანტიჰიპოქსიური მოქმედება გააჩნიათ, რაც იმას ნიშნავს, რომ ისინი თავის ტვინსა და პერიფერიულ ქსოვილებს ჟანგბადითა და გლუკოზით ამარაგებენ.
გინკგო ბილობა ადაპტოგენური მცენარეების რიცხვს მიეკუთვნება.. ვინც ჯერ კიდევ არ იცით, ადაპტოგენების ცნება მოდის ვედური მედიცინიდან და მოიაზრებს მცენარეებს, რომლებიც სტრესთან და დეპრესიასთან გამკლავებაში გვეხმარებიან. გინკგო ბილობას აქვს დადებითი გავლენა კოგნიციაზე, გვეხმარება მასალების ათვისებასა და დასწავლაში, აგრეთვე, აუმჯობესებს სისხლის მიმოქცევას და ებრძვის დემენციის, ალცჰაიმერისა და სხვა დაავადებების გაჩენის რისკებს
ბოლო დროინდელმა კვლევებმა ცხადყო, რომ გინკგო ბილობას აქვს დადებითი გავლენა მხედველობაზე. ამ მცენარის ექსტრაქტი მნიშვნელოვნად აუმჯობესებს შორ მანძილზე მხედველობას და შეუძლია უკუაქციოს თვალის ბადურის დაზიანება.
ტრადიციულ მედიცინაში გინკგო ბილობას ექსტრაქტი ცნობილია, როგორც ნატურალური სტიმულატორი. მას ხშირად იყენებენ სისხლძარღვების, შაკიკის და სმენის დარღვევების სამკურნალოდ.
